When Home smiles 😊

Chapter 1 – Pehli Nazar... Jo Dil Ko Ghar Jaisi Lagi

Barish ki halki halki boonden angan ki mitti ko mehka rahi thi.

Poora ghar hasi, shor aur rishtedaron ki baaton se bhara hua tha.

Kitchen se elaichi wali chai aur garam pakodon ki khushboo aa rahi thi.

Aarav baar baar gate ki taraf dekh raha tha.

Uski Dadi muskura kar boli,

"Beta, mehmaan aane wale hain ya tum kisi khaas ka intezar kar rahe ho?"

Aarav halka sa muskura diya.

"Aisa kuch nahi Dadi."

Tabhi ek safed gaadi ghar ke bahar aakar ruki.

Darwaza khula...

Aur usme se ek ladki utri.

Halke peele rang ka simple cotton suit, bina kisi dikhave ke.

Hawa ke saath uska dupatta ud raha tha.

Uske chehre par itni pyari si muskaan thi jaise subah ki pehli dhoop.

Sabse pehle usne apni choti si bhanji ka haath pakda.

Bachchi gaadi se utarte waqt gir gayi.

Ladki turant jhuk gayi.

Uske ghutno se mitti saaf ki.

Uske maathe par pyaar se kiss kiya aur boli,

"Princess log itni si baat pe nahi rote."

Bachchi haste haste uske gale lag gayi.

Door khada Aarav bas usse dekhta reh gaya.

Usne pehli baar mehsoos kiya...

Kisi ko dekhkar dil itna shaant bhi ho sakta hai.

Mummy ne uske kandhe par haath rakha.

"Ja beta... mehmaanon ka swagat karo."

Aarav dheere dheere gate tak gaya.

"Namaste."

Ladki ne muskurate hue haath jode.

"Namaste."

"Main Aditi."

"Main Aarav."

Bas itni si baat hui.

Lekin dono ko laga...

Jaise ye pehli mulaqat nahi hai.

Jaise kahin na kahin pehle bhi mil chuke hain.

Tabhi Aditi ke haath se gift ka box fisalne laga.

Aarav ne turant pakad liya.

Dono ki ungliyan ek dusre se takra gayin.

Ek pal ke liye dono bas ek dusre ko dekhte reh gaye.

Phir andar se kisi cousin ki awaaz aayi...

"Bhaiya... welcome kar rahe ho ya wahi shaadi bhi kar loge?"

Poora ghar zor se hans pada.

Aditi sharma kar neeche dekhne lagi.

Aur Aarav ke chehre par bhi ek muskaan aa gayi.

Us din kisi ne kuch kaha nahi...

Par dono ke dil me ek hi baat chal rahi thi...

"Shayad ye mulaqat sirf aaj ke liye nahi hui hai..." ❤️